مرة جالي في عيادتي الخاصة شاب صغير عنده إنزلاق غضروفي كبير في ظهره

: مرة جالي في عيادتي الخاصة شاب صغير عنده إنزلاق غضروفي كبير في ظهره و كان محتاج يعمل عملية لإستئصال الغضروف.كان شاب بسيط على قد حاله و ميقدرش يعمل العملية في مستشفى خاص فطلبت منه يجيلي مستشفى التأمين الصحي علشان أعمله العملية هناك مجانا. الشاب دخل المستشفى و عمل العملية و الأمور كانت ماشية تمام. بعد العملية بالليل إتصل بي الطبيب المقيم في المستشفي و قالي إن المړيض مش عارف يحرك رجليه و عنده إحتباس في البول روحت على المستشفى جرى و فحصت الشاب لقيت إن القدمين الإتنين مش بيتحركوا و عنده بداية أعراض شلل 🌼: مع إن العملية كانت معمولة كويس جدا و كمان كانت ناحية واحدة بس : لتكملة اضغط على متابعة القراءة 🌼: التفسير الوحيد في الحالات إللي زى كده إن يكون حصل ڼزيف و تجمع دموي بعد العملية ضغط على الأعصاب في العمود الفقري و عمل شلل في القدمين. للأسف مستشفى التأمين الصحي مكانش فيها جهاز رنين مغناطيسي و جهاز الأشعة المقطعية كان بايظ فمكنتش عارف أعمل أى فحوصات. و بالليل مكانش فيه مراكز أشعة فاتحة. أهل الشاب كانوا حيتجننوا إبنهم شاب صغير نايم قدامهم على السرير مشلۏل و الدكتور معندوش أى تفسير. و للي مش متخصص في جراحة العنود الفقري دي حاجة ممكن تكون من مضاعفات الجراحة. ساعتها قررت أعمل الحاجة الوحيدة إللي اقدر عليها و دخلت الشاب غرفة العمليات تاني بعد نص الليل قررت أستكشف مكان العملية علشان لو كان فيه ڼزيف أو تجمع دموي ألحقه قبل ما الشلل يزيد. لتكملة اضغط على متابعة القراءة : دخلت الشاب العمليات و فتحت تاني لكن ملقيتش أى ڼزيف أو تجمع دموي مكان العملية كان نضيف و زى الفل. قفلت تاني و طلعت المړيض غرفته و طلبتله جرعات عالية من الكورتيزون كما هو متبع في الحالات دي. الأهل كانوا كل شوية يسألوا إيه السبب في إللي حصله و طبعا كل إللي بيفكروا فيه إني عملتله عملية غلط و جيبتله شلل. شوية شوية تحت تأثير الكورتيزون بدأ الشلل يتحسن شوية و المړيض عرف يقوم و يمشي لكن بصعوبة و بعدين روح على البيت. بعد كام يوم لقيت والدة الشاب بتكلمني و بتقولي إن إبنها مبقاش بيتحرك خالص و مش عارف يقوم من السرير ساعتها قررت إني أروحله البيت و أشوفه رغم إن الناس إللي شغالين معايا حذروني من كده و قالولي إن أهله خاربين الدنيا و ممكن يحاولوا يعتدوا عليا في بيتهم. الأهل كانوا مبيفكروش غير في حاجة واحدة بس الدكتور إلي جاب لإبنهم الشلل. بس أنا كنت حاسس بالذنب فقررت أروحله البيت و أشوفه لما دخلت البيت لقيت مش أقل من ٣٠ شخص واقفين متحفزين و كله عمال يسأل و يتخانق الكل كان بيبصلي على إني الجزار إللي حيموت إبنهم. دخلت على المړيض لقيته في حالة سيئة حدا و عنده شلل في الرجلين مش عارف يتحرك خالص و بيتكلم بصعوبة. و أنا في البيت عنده الناس بدأت لتكملة اضغط على متابعة القراءة : تحاول تهاجمني و مطلعنيش من عندهم غير ستر ربنا و إن كان معايا السكرتير بتاع العيادة ولد جدع و عرف يصدهم و يطلعني من عندهم. طلبت منهم يروح فورا على المستشفى و يعمل أشعات رنين مغناطيسي و تحاليل الأهل مكانش معاهم تكاليف الفحوصات فتكفلت بيها علشان نلحق الولد. الولد دخل المستشفى و الفحوصات كانت كلها سليمة مفيهاش حاجة حالة الولد كانت كل شوية بتتأخر و دا مكانش ليه أى تفسير و لا ليه أى علاقة بالعملية الجراحية. بس الأهل كل إللي على لسانهم إن الدكتور عمل عملية غلط للولد و إن إبنهم بېموت منهم بسبب طبيب فاشل. الأعراض بدأت تزيد طلبت من أحد أساتذتي إنه يروح يشوفه و فعلا راحله و كشف عليه لكن برضه مكانش عنده تفسير للي بيحصل فطلبنا لتكملة اضغط على متابعة القراءة : فطلبنا دكتور أمراض مخ و أعصاب باطني علشان يشوفه كان بيجي من القاهرة يومين بس في الأسبوع. دكتور أمراض المخ و الأعصاب لما شافه قدر يوصل لتشخيص مرض نادر إسمه GuillainBarré syndrome و ده مرض مناعي نادر ملهوش سبب بيجي بالصدفة لواحد كل ١٠٠ ألف حاجة كده ملهاش أى علاقة بالعملية حظه و حظي إنها جت في الوقت بتاع الجراحة. أهل المړيض مصدقوش كلام دكتور أمراض الأعصاب و إفتكروا إنه بيقول كده علشان يضحك عليهم و يبرأني من تهمة الخطأ الطبي. ساعتها أهل المړيض أجروا عربية إسعاف و أخدوه على القاهرة علشان يكشفوا عند أكبر دكتور أمراض مخ و أعصاب في البلد. أستاذ كبير كشفه لوحده أغلى من مرتب أى إنسان عادي في مصر. طبعا مكانش ينفع أمنعهم و لا لتكملة اضغط على متابعة القراءة : حتى أحاول أشرحلهم إنهم كده بيأخروا العلاج على إبنهم كل تفكيرهم ان إزاى يطلعوني غلطان و بعدين يعرفوا ينتقموا مني. الولد سافر القاهرة و راح للأستاذ الكبير الراجل أكد التشخيص و قالهم إن دا مرض نادر و إنه ملهوش علاقة بالعملية. و كمان إتصل بيا قدامهم بالتليفون علشان يطمني و قالي باللفظ إنت ملكش علاقة باللي عنده. إنت بس حظك وحش الحمد لله ساعتها بس الأهل فهموا إني مش السبب و راحوا على مستشفى عين شمس التخصصي و عمل فلترة للدم و بعد كام يوم الولد خف و بقى زى الفل. و بعدها بشهر الولد رجع الشغل تاني و الآلام اللي عنده إختفت و هو بيشتغل دلوقتي في المعمار بيطلع سقالات و بيشيل على ظهره أحمال. الضغط العصبي إللي شوفته في الكام يوم دول كبروني ٢٠ سنة على الأقل أسبوعين بحالهم تليفوني مبطلش رن كل شوية واحد من أهل المړيض يتصل و يسأل و يتخانق و منهم لتكملة اضغط على متابعة القراءة إللي كان بيهددني ټهديد صريح. أسبوعين لا عارف أنام و لا أكل و لا عارف أشتغل أسبوعين كل إللي بفكر فيه إزاى الواحد يبطل الشغلانة المقرفة دي. كنت حاسس إن المۏت أهون عليا من الهم إللي كنت شايله على قلبي ده الحمد لله على كل شئ. الناس لازم تعرف إن الطب مش سحر و إن الدكاترة مش ربنا علشان يشفوا المرضى إحنا مجرد أسباب بنحاول نشتغل مع العيان بما يرضي الله في الآخر الشفا دا من عند ربنا. مفيش دكتور مش عايز المړيض بتاعه يخف أكيد فيه أخطاء إحنا مش ملائكة لكن مفيش حد بيقصد الأڈى. مهما كانت براعة الطبيب و إجتهاده مش حيقدر يمنع القدر. ربنا يستر علينا كلنا.